Səbəb sosial şəbəkələrin alqoritmindən narazılıq və “istifadəçilər lentində olmaq” üçün ödəniş etmək istəməməkdir.
Lush kosmetika brendi özünün “İnstagram” hesabında ölkədəki sosial şəbəkələrdən çıxmağı barədə məlumat verib. 2019-cu ilin 17 aprelindən şirkət alıcılarla yalnız elektron poçt, telefon və sayt vasitəsilə əlaqə yaradacaq və öz “Lush UK”, “Lush Kitchen”, “Lush Times”, “Lush Life”, “Soapbox” və “Gorilla” brendlərinin “Facebook”, “İnstagram” və “Twitter” hesablarını bağlayacaq.
“Sosial şəbəkələrdə alıcılarla birbaşa əlaqə yaratmaq çətin olur. Biz alqoritmlərlə mübarizə aparmaqdan yorulmuşuq və sizin lentə düşmək üçün pul ödəmək istəmirik. Bir neçə sosial şəbəkə kanalı ilə vidalaşmaq və bunun yerinə birbaşa diqaloqlara keçməyin vaxtı gəlib.
Biz sizinlə ünsiyyət qurmaq üçün tək bir sahə ilə kifayətlənmək istəmirik və həmişə olduğu kmi açıq danışıqlar təcrübəsinə qayıdırıq.
Biz inanırıq ki, hər kəsə səsvermə hüququ versək daha da diqqət çəkə bilərik – kosmetika sənayesini sarsıtmaq və geniş yayılana baxışlarımızı yenidən nəzərdən keçirmək üçün.
Şirkət hələ ki, başqa ölkələrdə sosial şəbəkədən istifadədən imtina etmək barədə planlarından bir söz demir. “Lush”un nümayədəsinin sözlərinə görə, brendin sosial şəbəkələrdən imtinası alıcıların şirkətin əməkdaşları ilə birbaşa əlaqə yaratması üçün bir imkandır.
Bu dəqiqəyə olan məlumatlara görə, Böyük Britaniyada Lush-un paylaşımlarını “İnstagram”da 569 min, “Facebook”da 423 mindən çox, “Twitter”də isə 202 min nəfər izləyir.