Artıq güzəştli ipoteka ilə nisbətən bahalı mənzil almaq mümkün olacaq.
“Bizplus.az” “Xəzər” TV-yə istinadən məlumat verir ki, indiyədək qüvvədə olan qaydalara görə, güzəştli ipoteka krediti ilə yalnız 1 kvadratının qiyməti orta bazar qiymətindən aşağı olan evlər almaq mümkün idi.
Yəni güzəştli kreditlərlə bahalı mənzillərin alınması mümkün deyildi. Edilən dəyişikliklə güzəştli kreditlərlə istənilən qiymətə olan mənzil və ya ev əldə etmək mümkün olacaq. Bununla yanaşı, bu yeniliklər MİDA tərəfindən inşa edilən mənzillərin satışına da aiddir.