Apple şirkəti daimi olaraq öz məhsullarının satış göstəricilərinin yüksəlməsi barəsində hesabatlar təqdim edir. Lakin hesabatlardakı bu rəqəmlər heç də həmişə smartfon bazarındakı real güc balansını əks etdirmir. ABŞ-ın BankMySell adlı riteyleri iOS ilə Android arasında seçim etmiş insanlar üzrə sorğu aparıb. Sorğunun nəticələri isə heç də iPhone-nun üstünlüyünü ortaya qoymayıb. Bu barədə 9to5mac saytına istinadən 4pda saytı xəbər verib.
Beləliklə məlumata əsasən Apple smartfonlarının istifadəçilərinin bu brendə olan loyallıqları 2019-cu ildə bütün tarix boyu ən minimum nəticəni sərgiləyib. 38.000 insan arasında aparılmış sorğu çərçivəsində məlum olub ki, bu göstərici 1 il əvvəlki göstəricidən 15.2% aşağı olub. 26% iPhone X istifadəçisi Apple məhsulundan imtina edərək Android smartfona keçid etməyi istəyiblər. Samsung smartfonlarının istifadəçiləri arasında isə Apple məhsuluna keçid etmək istəyənlərin faiz göstəricisi 7.7% olub.
Məlumatda qeyd edilib ki, iPhone istifadəçilərinin Apple brendinə loyallıqları 2011-ci ildən bəri ən minimum səviyyəyə çataraq bu il üçün 73% təşkil edib. Buna bənzər hesabatları həmçinin Kantar Group və Gartneranalitik şirkətləri də təqdim ediblər. Onlar qeyd ediblər ki, bu ilin ikinci rübündə ABŞ-da olmuş smartfon satışlarının yalnız 36%-i Apple şirkətinin üzərinə düşüb. Bu isə keçən ilki göstəricidən 2.4% aşağıdır. Apple smartfonlarına tələbatın aşağı düşməsinin əsas səbəbi kimi analitiklər yeni iPhone modellərində innovasiyaların olmamasında görürlər.