Məşhur “Apple” şirkətinin planşetləri ilə avtomobillərin ortaq nəyi ola bilər? Cavab – avtomobil sahiblərinə problem yaradan bir aksesuar.
Xüsusi forumlarda yayılan görə, “Apple Pencil” karandaşı enerji yığımı zamanı avtomobil açarlarının siqnalını blok etməyə başlayır: elektron breloklar maşının qapısını aça bilmir. Bir qədər sonra,”The Drive” amerikan avtomobil nəşri bu məlumatı təsdiqləyib.
Bunun səbəbi kimi isə o göstərilib ki, induksiya enerji yığımı zamanı karandaş xüsusi diapazonda dalğalar ötürür və onlar da açarı blok etməyə başlayır. Maraqlıdır ki, proqram səhvlərindən fərqli olaraq bu problem, aparat təminatı ilə əlaqəli olduğu üçün düzəlməsi mümükünsüzdür. Bununla belə, istifadə zamanı “Apple Pencil”, avtomobillərin elektron açarlarından istifadəyə mane olmur, belə ki, bu zaman o tamam başqa diapazonda dalğalar ötürür. Bundan əlavə, qeyd edilib ki, karandaş, enerji yığımı zamanı heç də bütün avtomobil siqnallarını blok etmir.