“İndiyədək sahibkarlara investisiya dəyəri 2 mlrd. manatdan çox olan layihələr üzrə 236 investisiya təşviqi sənədi və bu investisiya təşviqi sənədləri əsasında 1162 təsdiqedici sənəd verilib”.
İqtisadiyyat Nazirliyindən “APA-Economics”ə verilən məlumata görə, bu sözləri bu gün İqtisadiyyat Nazirliyində Azərbaycan prezidenti İlham Əliyevin sədrliyi ilə Nazirlər Kabinetinin 2017-ci ilin sosial-iqtisadi inkişafının yekunlarına və qarşıda duran vəzifələrə həsr olunan iclasında dövlət başçısı tərəfindən verilmiş tapşırıqların icrası ilə bağlı keçirilən geniş kollegiya iclasında iqtisadiyyat naziri Şahin Mustafayev bildirib.
Onun sözlərinə görə, 8 iqtisadi rayonu əhatə edən investisiya layihələrinin 0,4%-i Bakı şəhərinin, 38,1%-i Bakıətrafı qəsəbələrin və Abşeron rayonunun, 61,5%-i isə digər şəhər və rayonların payına düşür. Layihələrin 38,1%-i kənd təsərrüfatı, 61,9%-i isə sənaye sahələrini əhatə edir. Bu layihələrin reallaşması nəticəsində 16 minə yaxın yeni iş yerinin açılacağı gözlənilir.
O bildirib ki, “Azərbaycanın biznes ictimaiyyətində menecerlərin ixtisasının artırılması üzrə Almaniya-Azərbaycan birgə Proqramı” çərçivəsində 38-i 2017-ci ildə olmaqla, indiyədək 338 sahibkar və menecer Almaniyada 1 ay müddətində “İqtisadi kooperasiya” üzrə ixtisasartırma kursu keçib. Kollegiya iclasında qeyd edilib ki, Proqram çərçivəsində gənc sahibkar və menecerlər 2018-ci ildə də Almaniyada ixtisasartırma kurslarına göndəriləcək: “Aqrar sahədə fəaliyyət göstərən gənc sahibkar və menecerlərdən növbəti qrupu bu ilin fevralında Almaniyaya göndəriləcək”.
533136 217524Wow that was strange. I just wrote an incredibly long comment but soon after I clicked submit my comment didnt appear. Grrrr well Im not writing all that over once again. Regardless, just wanted to say great weblog! 132970