“International Data Corporation”dünya informasiya təhlükəsizliyi vasitələri bazarı üzrə proqnoz dərc edib

Date:

Paylaş:

“International Data Corporation” (IDC) şirkəti 2019-cu və sonrakı illər üçün dünya informasiya təhlükəsizliyi vasitələri bazarı üzrə proqnoz dərc edib.

Servernews” resursu bildirir ki, təqdim olunan məlumatlarda proqram təminatı, müxtəlif sinfə aid aparat həlləri və müvafiq servislər sahəsində xərclər nəzərə alınıb.

Bildirilir ki, bu il pul ifadəsində sahənin həcmi simvolik 100 milyard dollarlıq səviyyəni ötərək 103,1 milyard dollara çatacaq. Bu, ötən ilin nəticəsi ilə müqayisədə 9,4 faizlik artıma uyğun olacaq.

Sonrakı illərdə informasiya təhlükəsizliyi sahəsində xərclərin daha da artacağı gözlənilir. Məsələn, 2022-ci ilədək olan dövr üçün “CAGR” göstəricisi (mürəkkəb faizlərdə ortaillik artım tempi) 9,2 faiz səviyyəsində proqnozlaşdırılır. Nəticədə 2022-ci ildə bazarın həcmi təxminən 133,8 milyard dollar təşkil edəcək.

İnformasiya təhlükəsizliyi vasitələri üçün xərclər baxımından ən böyük sektorlar arasında bank seqmenti, istehsalat, eləcə də dövlət sektoru qeyd olunur.

Coğrafi baxımdan informasiya təhlükəsizliyi sistemləri üçün xərclərin həcminə görə lider ABŞ olaraq qalacaq. İkinci yerdə isə Çinin qərarlaşacağı proqnozlaşdırılır.  

Oxşar yazılar

5 günə biznes qurmaq… – MÜSAHİBƏ

"İş Qurdu" layihəsinin növbəti qonağı "Ninja Kids Club"un təsisçisi Həvva xanım olub. https://www.youtube.com/watch?v=YxRFfsHEV-A&ab_channel=Maffinagency

“Evimi satıb işçilərin maaşını verdim” – MÜSAHİBƏ

"İş qurdu" komandası olaraq Şəki sakini "Qinyatogulları" arıçılıq təsərrüfatının sahibi Lətif Qinyətoğlunun qonağı olduq. Lətif bəy bizə arıçılıq biznesini...

Naxçıvanda yeni qeydiyyata alınmış hüquqi şəxslərin sayı 36 dəfə artıb

Bu ilin yanvar-mart aylarında Naxçıvan MR-da 1 441 yeni vergi ödəyicisi qeydiyyata alınıb. Bu barədə İqtisadiyyat Nazirliyi yanında Dövlət...

Azərbaycanda bu il mehmanxanalar 86.6 faiz istifadəsiz qalıb

2023-cü ilin yanvar-mart aylarında mehmanxana (hotel) və mehmanxana tipli obyektlərdə keçirilmiş gecələmələrin sayı 2022-ci ilin eyni dövrü ilə...