Dünyanın ən iri ev üçün məhsul və mebellər reteylerlərindən biri olan İKEA şirkəti,”ağıllı” dinamiklərin satışına başlayıb. Onlar asılqan rəf kimi də istifadə oluna biləcəklər. Fast Company yazır ki, seriyada onunla birlikdə Sonos audiosistem istehsalçısının iştirakı ilə hazırlanmış “ağıllı” lampa da təqdim olunub.
Sonos-la birgə hazırlanmış məhsulların təqdimatını İKEA hələ yazda etmişdi. O zaman rəsmi İnstagram hesabında Symfonisk lampalarının əsas funksiyalarından bəhs edən videoçarx yerləşdirilmişdi.
Symfonisk-də iki rəqəmsal səs gücləndirici və akustika sistemi var. Korpusunda işıqlanma dərəcəsini tənzimləyən, altlığında isə musiqi səsləndiricisi düyməsi yerləşir. Lampanı mobil tətbiqdən idarə etmək mümkündür.
“Ağıllı” dinamik də bu sıradan özündə rəf-dinamik xüsusiyyətini daşıyır və eyni prinsiplə çalışır – onda musiqinin səs həddi və işə düşməsi tətbiqin köməyi ilə tənzimlənir.
Amerika mağazalarında akustik Symfonisk lampasını 179 dollara, dinamiki isə 99 dollara almaq mümkündür.
https://www.instagram.com/p/Bv_7Hp4IGIz/?utm_source=ig_web_copy_link