İdmanla məşğul olmaq arzusunda olub, tənbəllik edənlər üçün “Future” startapı yaradılıb.
Bu barədə Bizplus.az Orxan Əhmədin qeydlərinə əsasən məlumat verir.
Future — idmanla məşğul olmaq istəyən, lakin tənbəlliyə qalib gələ bilməyənlər üçün xidmətdir.
Future sizin üçün xüsusiləşdirilmiş məşq proqramı hazırlayan və yoxlayan şəxsi fitnes məşqçini təyin edir. Bundan əlavə məşqləri vaxtında yerinə yetirib yetirmədiyinizi apple watch üzərindən yoxlayırlar. Qeydiyyatdan keçən hər kəsə xoş gəldin hədiyyəsi olaraq su qabı və smartwatch-u olmayanlar üçün apple watch göndərilir (əslində müvəqqəti istifadəyə verilir). Future aylıq abunə haqqı 150$ təşkil edir.
Qeydiyyatdan keçdikdən sonra, istifadəçi müəyyən sullara cavab verən formu doldurur. Bundan sonra, ona şəxsi məşqçi təyin olunur və video chat üzərindən 15 dəqiqəlik tanışlıq baş verir. Məşqçi müştərisini tanıdıqdan sonra, onun üçün proqram hazırlayır və apple watch üzərindən məşqlərinə nəzarət edir. Bütün bunlar Future mobil tətbiqi üzərindən baş verir və məşq üçün əlavə musiqi, səsli göstərişlər və rəylər göndərilir.
Şirkətdən verilən məlumata əsasən beta testerlərin 95%-i abunə haqqını növbəti 3 ay üçün də davam etdirir, 85%-i isə 6 aylıq məşqdən sonra da istifadəyə davam ediblər.