The Wall Street Journal-ın araşdırmasına görə, “Huawei” Çin hökumətindən vergi güzəştləri, ucuz kreditlər və subsidiyalar şəklində 75 mlrd. dollar əldə edib. Dövlətin dəstəyi 20 il ərzində “Huawei”ə dünya üzrə ən iri telekom-şirkətlərdən biri olmaqda kömək edib.
WSJ-a görə, şirkət 1998-ci ildən dövlət banklarından 16 mlrd. dollar həcmində ucuz kreditlər və digər maliyyə dəstəkləri əldə edib. China Development Bank və Export-Import Bank of China son 20 ildə daha 30 mlrd. dollar kredit ayırıb.
“Huawei” 2008-ci ildən 1,6 mlrd. dollar qrant əldə edib və 2008-2018-ci illər ərzində texnologiya şirkətləri üçün güzəştlər əldə etməklə vergilərdə 25 mlrd. dollar qənaət edə bilib. Bundan başqa, torpaq sahələrinin alınmasında da təxminən 2 mlrd. dollar qənaət edib.
Şirkətdən bildiriblər ki, onlar araşdırmalara az dəstək qazanıblar. Dövlətin əsas dəstəyi kimi məsələn, vergi güzəştləri digər bazar iştirakçılarına da aiddir. “Huawei” torpaq sahələrinə endirimlərin məbləği barədə rəy bildirməyib.