Socratic 2013-cü ildə sual və cavab xidməti kimi yaradılıb. 2018-ci ildə qurucular saytı bağlayıb və tətbiqin inkişafı üçün çalışmağa başlayıblar.
Google 2018-ci ildə şagirdlər və tələbələr üçün ev tapşırıqlarının həllinə kömək məqsədli tətbiqi almasını təsdiqləyib. Əməliyyatla bağlı təfərrüatlar məlum deyil.
Əməliyyat 2018-ci ilin martında baş tutub, TechCrunch yazır. Google qəzetin rəylərlə bağlı sorğusuna cavab verməyib.
2015-ci ildə Socratic-də mobil tətbiq yaranır – proqramçılar ona riyaziyyat, ədəbiyyat və digət fənlər üzrə tapşırıqların həlli üçün onların şəklini çəkmək imkanını əlavə edirlər.
İndi Google iOS üçün tətbiqin yeniləndiyini bildirib – şirkət tapşırıqların həllinə kömək üçün süni zəka texnologiyasını əlavə edib. İstifadəçilər sualın şəklini çəkə və ya onu şifahi verə bilərlər, bundan sonra isə tətbiq, internetdə ona müvafiq cavabı tapır.
Tətbiq sorğunu təhlil edə və çətin sualları sadələşdirə bilir və sonra alqoritmlər həlli izah edən müvafiq videonu və ya sualların ətraflı müzakirə edildiyi saytları tapır. Tətbiq həmçinin, 1000-dən çox mövzu üzrə dərs vəsaitləri təqdim edir.
Hal-hazırda tətbiq iOS-da keçərlidir. Android versiyasını Google, 2019-cu ilin payızında buraxacağına söz verir.