Şirkət 15 min ev inşa etməyi planlaşdırır.
“Google”, San-Fransisko körfəzində yaşayış yeri tikintisinə 1 milyard dollar yatırım etməyə hazırlaşır. Bu barədə korporasiyanın baş direktoru Sundar Pichai şirkətin bloqunda məlumat verib.
“Hər ərazidə bir problem həmişə aktualdır – mənzil problemi. Yüksələn həyat şəraiti ilə əlaqədar olaraq yeni təkliflərin olmaması orta və aşağı gəlirli şəhər əhalisi üçün uyğun yaşayış yerinin çatışmamasına gətirib çıxarıb”.
Sundar Pichai, “Google”-un baş direktoru
Yaxın on ildə “Google”, ofis və kommersiya binalarının təminatından 15 min evin tikintisinə 750 milyon dollar ayırmaq niyyətindədir.
Şirkət əlavə 250 milyon dollar investisiya fonduna xərcləyəcək və bu da developerlərin ən azından beş min mənzil tikmələrinə imkan verməlidir. “Google” həm də mənzil çatışmazlığı problemi ilə məşğul olan qeyri-kommeriya təşkilatları üçün yardma 50 milyon dollar ayıracaq.
San-Fransisko yaşayış üçün ən bahalı şəhərlərdən biridir. TechCrunch yazır ki, burada yerli əhalinin texnologiya sahəsinə nifrəti var, çünki onlar belə hesab edirlər ki, o, qiymətlərin artımına səbəb olur. Uyğun yaşayış yeri tikintisinə dəstək proqramını nəşriyyat “Google”-un “vicdan borcu” və reputasiyanın artırılmasına cəhd kimi dəyərləndirir.