Eynəklər bir dəfəyə enerji yığımı ilə səkkiz saata qədər işləyə bilirlər.
“Google”, ticarət istifadəsi üçün yeni Glass Enterprise Edition 2 “ağıllı” eynəklərini təqdim edib. Bu barədə şirkət öz bloqunda məlumat verib.
Cihaz Qualcomm Snapdragon XR1 prosessorunda işləyir. Şirkətdən bildiriblər ki, bu, yüksək istehsal qabiliyyətini və komputerə baxma dəstəyini təmin edir.
“Google”, yeni Glass Enterprise-a sürətli enerji yığımı funksiyalı USB-C portunu əlavə edib. Batareyanın həcmi 820 mAh-dır və bu da səkkiz saatlıq işləməni təmin edir.
Glass Enterprise Edition 2 açıq kodlu Android platformasında işləyir. Cihaz, həmçinin, “Android Enterprise Mobile Device Management” biznesi üçün mobil platformanı dəstəkləyir.
Eynək , “Wi-Fi” və ya “Bluetooth” vasitəsilə ilk şəxsdən video yayımını həyata keçirmək üçün 8 meqapiksel kamera ilə təchiz olunub. Cihazın yaddaş həcmi 32 Gb-dır.
İstifadəçilər, təlimatlara baxmaq, şəkilləri və videoçarxları göndərmək və digər tapşırırqları yerinə yetirmək üçün Glass Enterprise-dan istifadə edə bilərlər. “Google”-da bildiriblər ki, öz işlərində cihazdan istifadə edən şirkətlər işin səmərəliliyinin 20-50% artmasından xəbər verirlər.
“Google”-un cihaza verdiyi qiymət 999 dollardır. Bununla belə, “Google”-un “Google Enterprise”ı konkret sahə üçün modernləşdirən bir neçə tərəfdaşı var. Bundan asılı olaraq, onun qiyməti dəyişə bilir.Bəzi şirkətlər taksit planı təklif edirlər.