Fransanın Rəqabət, İstehlak və Saxtakarlığa Qarşı Mübarizə Baş İdarəsi (DGCCRF) “Apple” şirkətinə 27 mln. dollar ( 25 mln. avro) cərimə kəsib. Səbəb, iOS yenilənməsindən sonra köhnə iPhone modellərinin zəif işləcəyi barədə şirkətin istifadəçilərə xəbərdarlıq etməməsi olub.
Paris prokurorluğu istifadəçilərin şikayətindən sonra, yanvarın 5-də araşdırmaya başlayıb.
Qeyd edək ki, söhbət, 2017-ci ildə olan iOS 10.2.1 və 11.2 yenilənmələrindən gedir. Bu yenilənmələrlə köhnə batareyalı modellər ( iPhone 6, SE və 7) müəyyən şəraitlərdə, məsələn, soyuqda zəif sürətlə işləyirlər.
Fransız hökumət dairələri bildirirlər ki, məhz bu səbəbdən smartfon sahibləri yeni telefonlar almaq və ya batareyaları dəyişmək məcburiyyətində qalıblar.
“Apple” şirkəti cəriməni ödəməyə və məsələ ilə bağlı bir ay ərzində öz saytında press reliz dərc etməyə razılıq verib.