Amerikan avtomobil istehsalçısı “Ford” Road Edge Detection adlı yeni sistem təqdim edib. O, sürücülərə kömək edəcək.
“Motor” xəbər verir ki, sistem, ön şüşənin altında yerləşdirilmiş kameraların köməyilə magistrallarda yol örtüyünün sərhədlərini müəyyən edir və ehtiyac yaranarsa avtomobilin yoldan kənara çıxmaması üçün sükanı idarə edə bilir.
Qeyd edək ki, kameralar 50 m. məsafədən və 113 km/saat-a qədər sürətlə yol xəttini skan edirlər. Yeni sistem ilk olaraq Focus, Kuga və Puma modellərində olacaq.