Azərbaycanda 100 nəfər üzrə ən çox qadın fərdi sahibkar Gəncə-Qazax iqtisadi rayonuna düşür.
Bizplus.az xəbər verir ki, fərdi sahibkar qadınların 33,1%-i Bakıda, 17,1%-i Aran, 15,9%-i Gəncə-Qazax, qalanları isə digər iqtisadi rayonlarda qeydiyyatdan keçmişdir.
Fərdi sahibkarların cins tərkibinin regionlar üzrə say bölgüsündən aydın olur ki, Bakıda (23,5%), Gəncə-Qazax (25,6%) və Lənkəran (22,3%) iqtisadi rayonlarında qadın sahibkarların payı ölkə üzrə orta göstəricidən yuxarıdır.
Başqa bir formada hesablasaq hər 100 nəfər üzrə 28-i qadın sahibkardır. Gəncə-Qazaxda hər 100 fərdi sahibkardan 34-ü qadın sahibkardır. Dağlıq-Şirvan iqtisadi rayonda isə hər 100 fərdi sahibkardan 19-u qadındır.
| İqtisadi rayonlar | Kişi | Qadın | Hər 100 nəfərdən… (qadın) |
| CƏMİ | 716,316 | 198,305 | 28 |
| Gəncə-Qazax iqtisadi rayonu | 91,480 | 31,559 | 34 |
| Bakı | 213,655 | 65,654 | 31 |
| Lənkəran iqtisadi rayonu | 67,814 | 19,468 | 29 |
| Şəki-Zaqatala iqtisadi rayonu | 43,027 | 11,687 | 27 |
| Naxçıvan Muxtar Respublikası | 23,104 | 6,171 | 27 |
| Kəlbəcər-Laçın iqtisadi rayonu | 2,090 | 545 | 26 |
| Abşeron iqtisadi rayonu | 39,847 | 10,314 | 26 |
| Quba-Xaçmaz iqtisadi rayonu | 41,989 | 10,817 | 26 |
| Aran iqtisadi rayonu | 152,365 | 33,973 | 22 |
| Yuxarı Qarabağ iqtisadi rayonu | 17,822 | 3,739 | 21 |
| Dağlıq Şirvan iqtisadi rayonu | 23,123 | 4,378 | 19 |