Ən yaxşı biznes mühiti hansı ölkədədir?

Y&R şirkəti ilə birlikdə Uorton universiteti biznes qurmaq üçün ən əlverişli ölkələrin reytinqini dərc edib. Fins.az xəbər verir ki, reytinq 80 ölkənin göstəricilərinə əsasən hazırlanıb. Araşdırmada həmin ölkələr istehsal xərcləri, bürokratiyanın səviyyəsi, vergi siyasətinin şəffaflığı və korrupsiya üzrə qiymətləndirilib.

Siyahıya liderlik edən Panama reytinqdə yer alan yeganə Mərkəzi Amerika ölkəsidir. Panama “vergi cənnəti” sayılır və buraya dünya kapitalı axır. Lakin siyahıya liderlik etməsinə baxmayaraq, Panama ən korrupsiyalı ölkə hesab olunur.

Lüksemburq isə Qərbi Avropada yerləşən “vergi cənnətidir” və buraya da dünya sahıbkarları xüsusi diqqət yetirirlər.

İsveçrə tarixən biznes açmaq üçün ideal məkan hesab olunub. Burada çox əlverişli vergi mühiti, şəffaf dövlət siyasəti və korrupsiya aşağı səviyyədədir. Bundan başqa, ölkə həyat keyfiyyəti göstəricilərinə görə liderlər siyahısındadır.

Qeyd edək ki, reytingdə dominant pozisiyanı Şimalı Avropa ölkələri tutur və Danimarka bu siyahıya liderlik edir. Burada korrupsiya çox aşağı səviyyədədir, şəffaflıq isə əskinə, yüksək səviyyədədir. Burada ixtisaslı işçilərin sayı da yüksəkdir. Adambaşına düşən ÜDM – 45 700 dollar təşkil edir. Danimarkanın paytaxtı Kopenhagen böyük sənaye və maliyyə mərkəzidir.

Finlandiya Norveç və İsveç ilə birgə  apardığı dövlət siyasətinin yüksək şəffaflığı və korrupsiyanın aşağı səviyyəsinə görə “Skandinaviya” modelinə uyğun gəlir.

İsveç Norveç kimi kapitalizm və azad bazara əsaslanır. Bu zəngin və inkişaf etmiş bir dövlətdir. Vergi mühiti digərləri kimi əlverişli olmamasına baxmayaraq, İsveç reytinqə dövlətin iqtisadi siyasətinin yüksək şəffaflığına və korrupsiyanın demək olar ki, 0 səviyyədə olmasına görə daxil edilib.

Kanada Şimali Amerikanın reytinq siyahısına  daxil olan yeganə ölkədir. Xidmət sektoru ölkənin ən böyük drayveridir.

Yeni Zellandiya çox inkişaf etmiş turistik infrastrukturu ilə, həmçinin güclü ixrac bazarı, xüsusilə də kənd təsərrüfatı

sayəsində fərqlənir.

Skandinaviya ölkələrinin bir çoxu kimi, Norveç yüksək vergi dərəcələri ilə fərqlənir. Lakin şəffaflığın səviyyəsi və korrupsiyanın olmaması Norveçi siyahıda 9-cu yerə yüksəltdi.

©fins.az