Mütəxəssislər smartfonun işləmə keyfiyyətini artırmaq üçün ondan lazımsız şəkillərin silinməsinin vacib olduğunu qeyd ediblər. Bu barədə Avast şirkətinin məruzəsində bildirilib.
Araşdırma zamanı mütəxəssislər Avast Cleanup-ın optimallaşma alətinin təxminən 6 milyon istifadəçisinin anonim məlumatlarını təhlil ediblər. 2018-ci ilin dekabrından 2019-cu ilin iyununa kimi 45 dünya ölkəsində smartfonların necə işləməsi öyrənilib.
Məlum olub ki, orta hesabla hər bir istifadəçinin gadget-ində 952 şəkil var və onların da 22%-nin keyfiyyəti aşağıdır və ya təkrar şəkillərdir. “RİA Novosti” xəbər agentliyi məlumat verir ki, WhatsApp-da istifadəçilər orta hesabla 292 şəkil saxlayırlar; ekran görüntülərinin orta sayı 86-dır.
Smartfon cihazlarının yüksək səviyyədə işləməsini təmin etmək üçün lazımsız şəkillərin silinməsi pulsuz, sürətli və sadə bir üsuldur. Çünki, məhz yaddaşın dolu olması gadget-in işləmə keyfiyyətinə təsir edə bilir.