Dünyaya 40 dəfə daha sürətli internet verilə bilər

Date:

Paylaş:

Elon Musk (İlon Mask) “Twitter” hesabından bütün dünyaya yüksək sürətli internet təmin edəcək “Starlink” layihəsinin detallarını paylaşıb. Çərşənbə günü “SpaceX”in “Falcon 9” raketilə aşağı orbitə 60 ədəd kiçik peyk göndərməsi planlaşdırılır. “SpaceX” şirkəti, layihə tamamlandıqda 12 min peyklə bütün dünyaya hazırkı orta hesabla sürətdən 40 dəfə sürətli internet xidməti təqdim etməyi hədəfləyir. Prosesin sürətlənməsi üçün içinə daha çox peykinin yerləşəcəyi yeni bir raket üzərində çalışırlar.

Milyarder ixtiraçı Elon Musk, İcraçı direktoru olduğu kosmos texnologiyaları şirkəti “SpaceX”in peyklər vasitəsilə bütün dünyaya yüksək sürətli internet təmin etmək layihəsindəki son prosesləri açıqlayıb.

 Musk “Twitter” hesabından şirkətin “Falcon” raketinin içinə yerləşdirilmiş 60 ədəd peykinin fotosunu paylaşıb. “Falcon 9” raketini çərşənbə günü orbitə göndərməyi planlaşdırdıqlarını açıqlayan Musk, “Yəqin ki, ilk səfərdə bir şeylər səhv gedəcək”,- ifadələrini istifadə edib.

 2015-DƏ ELAN ETMİŞDİ

Elon Musk “Starlink” adını verdiyi peyklərlə bağlı ilk planını 2015-ci ildə açıqlamışdı. Layihəyə görə, daha kiçik ölçüyə malik 1200 ədəd peyk dünyanın orbitinə yerləşdiriləcək və qurulacaq şəbəkə ilə bütün dünyaya yüksək sürətli internet veriləcək. Əgər Musk-ın planı uğurlu olsa, dünya miqyasında internet istifadəçilərinin “download” və “upload” sürətlərinin 40 dəfə artması gözlənilir. Nə “SapceX”, nə də Elon Musk sözügedən xidmət üçün istifadəçilərdən nə qədər ödəniş alacaqlarını bu günə qədər açıqlamayıb.

 HƏDƏF 2020-DƏ BAŞLAMAQDIR

“SpaceX” fevral ayında da “Tintin A” və “Tintin B” adlı iki peyki uğurla göndərmişdi. Ancaq Musk bu peyklərin sınaq məqsədli kosmosa göndərildiyini, çərşənbə günü göndəriləcək peyklərin isə layihənin başlaması üçün olduğunu vurğulayıb. Musk, müəyyən bir sahəni əhatə etmək üçün 420 ədəd peykinin dünya ətrafında yerləşdirilməsi lazım olduğunu söyləyib. Yəni, çərşənbə günü göndəriləcək peyklərdən başqa 360 peyk də kosmosa göndərilməlidir. “SpaceX” daha əvvəl peyklər vasitəsilə internet xidmətini 2020-ci ildən etibarən verməyi planlaşdırdığını bildirmişdi. 2024-cü ildə də 12000 peyklə dünyanın ən ucqar guşəsinin də əhatə daxil daxil olması məqsədi güdülür.

122 METR UZUNLUĞUNDA YENİ RAKET

Əlbəttə “SpaceX”in planları istədiyi kimi getsə, çox daha az yürüşlə daha çox peyk göndərməyə nail ola bilər. Hazırda 60 peykinin sığa bildiyi “Falcon 9” raketi təxminən 70 metr boyundadır. Şirkət “Starlink” layihəsi üçün isə iki hissəli 122 metr uzunluğunda yeni raket istehsal etməyi planlaşdırır. Elon Muskın bu yeni raketlə bağlı detalları iyun ayında açıqlayacağı gözlənilir. Peyklərin bir neçə dəfə istifadə edilməsi “SpaceX”in ən çox üzərində durduğu əsas məsələlərdəndir. Bu sayədə maya dəyərinin minimuma endirilməsi planlaşdırılır.

 

Oxşar yazılar

5 günə biznes qurmaq… – MÜSAHİBƏ

"İş Qurdu" layihəsinin növbəti qonağı "Ninja Kids Club"un təsisçisi Həvva xanım olub. https://www.youtube.com/watch?v=YxRFfsHEV-A&ab_channel=Maffinagency

“Evimi satıb işçilərin maaşını verdim” – MÜSAHİBƏ

"İş qurdu" komandası olaraq Şəki sakini "Qinyatogulları" arıçılıq təsərrüfatının sahibi Lətif Qinyətoğlunun qonağı olduq. Lətif bəy bizə arıçılıq biznesini...

Naxçıvanda yeni qeydiyyata alınmış hüquqi şəxslərin sayı 36 dəfə artıb

Bu ilin yanvar-mart aylarında Naxçıvan MR-da 1 441 yeni vergi ödəyicisi qeydiyyata alınıb. Bu barədə İqtisadiyyat Nazirliyi yanında Dövlət...

Azərbaycanda bu il mehmanxanalar 86.6 faiz istifadəsiz qalıb

2023-cü ilin yanvar-mart aylarında mehmanxana (hotel) və mehmanxana tipli obyektlərdə keçirilmiş gecələmələrin sayı 2022-ci ilin eyni dövrü ilə...