Fast Retailing riteyl-şirkətinin qurucusu və Uniqlo mağazalar şəbəkəsinin sahibkarı Tadashi Yanai öz biznesini bir qadına vermək istəyini bildirib. Bu barədə o, 4 sentyabrda Bloomberg-ə verdiyi müsahibəsində açıqlama verib.
Milyarderin sözlərinə görə, qadınlar detallara daha çox diqqətlidirlər. Yanai ümid edir ki, Fast Retailing-in əməkdaşlarının 50%-dən çoxu qadınlar olacaq.
Agentlik bildirir ki, hal-hazırda şirkətdə altı rəhbər vəzifəni qadınlar tutur. İş adamının varisi isə Uniqlo-nun Yaponiya rəhbəri Maki Akaida ola bilər.
Tadashi Yanai Yaponiyada ən zəngin iş adamıdır. Forbes onun sərvətini 22,2 milyard dollar dəyərləndirir, dünya reytinqində isə o, 41-ci yeri tutur.