Dünyanın ən kiçik telefonu artıq “Zanco Tiny T2″dir. Bir USB flaş kart böyüklüyündəki cihaz indiyədək ən kiçik telefon hesab edilən “Palm”ı “taxtından” salıb.
“Bizplus.az” xəbər verir ki, hələ telefonun kütləvi istehsalına başlanmayıb. İstifadəçilərin layihələrinə maliyyə cəlb etmələrinə vasitəçilik edən “Kickstarter” adlı platforma üzərindən sifarişlərin qəbuluna başlanıb.
“Zanco Tiny T2” telefonu 3G, radio, qulaqlıq girişi, Bluetooth və 0,3 MP-lik bir kameraya malikdir.
Bir dəfə enerji yığmaqla 7 günə qədər istifadə imkanı təqdim edən cihaz, 6,96 sm uzunluğa, 2,99 sm enə malikdir. Çəkisi isə 31 qramdır.
“Zanco Tiny T2” əvvəldən yüklənmiş bir neçə oyuna və 32 GB-ə qədər microSD kart dəstəyinə sahibdir.
Cihazın satış qiymətinin 79 dollar olacağı bildirilib.
