Azərbaycanda dövlət maşınları satışa çıxarılır.
Hərraca çıxarılan nəqliyyat vasitələrinin siyahısı açıqlanıb.
Hərracda Ədliyyə Nazirliyi, Baş Prokurorluq və Daşınmaz Əmlakın Dövlət Reyestri Xidmətinin 7 saylı Bərdə Ərazi İdarəsi və 18 saylı Zaqatala Ərazi İdarəsinə məxsus avtomobillər təklif olunur.
Qeyd edək ki, sifarişlər Azərbaycan Respublikası Əmlak Məsələləri Dövlət Komitəsi Əmlak Xidmətləri Məkanında (Bakı şəhəri, Nizami rayonu, Xəlil Rza Ulutürk küçəsi 20) və yaxud e–emdk.gov .az elektron portalı vasitəsilə hərracın keçirilməsinə ən gec 3 (üç) bank günü qalanadək qəbul olunacaqdır:
Nəqliyyat vasitələri barədə ətraflı məlumatı privatization.az portalından almaq olar. Hərracda iştirak etmək üçün (elektron sifariş verənlər istisna olaraq) hərracın keçirilməsinə ən azı 3 bank günü qalanadək aşağıdakı sənədlər təqdim olunmalıdır:
Sifarişçinin şəxsiyyətini təsdiq edən sənəd (Hüquqi şəxslər üçün:notarial qaydada təsdiq olunmuş qeydiyyat şəhadətnaməsi,nizamnaməsi və VÖİN).
Əmlak Məsələləri Dövlət Komitəsi tərəfindən müəyyən edilmiş hesaba behin köçürülməsini təsdiq edən sənəd. (10% məbləğində beh Mərkəzi Bankda – AZ65NABZ01361150000000004944 nömrəli hesablaşma hesabına ödənilməlidir).
Maşın almaq istəyənlər (012) 566-07-44 saylı telefonla əlaqə saxlaya bilərlər.
S/N |
Balanssaxlayıcı müəssisənin adı | Avtonəqliyyat vasitəsinin markası | Buraxılış ili | Start qiyməti (manatla) |
10% beh (manatla) |
| 1. | Azərbaycan Respublikasının Ədliyyə Nazirliyi | QAZ-31105-120 | 2004 | 3500 | 350 |
| 2. | Azərbaycan Respublikasının Ədliyyə Nazirliyi | QAZ-31105-120 | 2004 | 3000 | 300 |
| 3. | Azərbaycan Respublikasının Ədliyyə Nazirliyi | Nissan Maxima | 2005 | 8000 | 800 |
| 4. | Azərbaycan Respublikasının Ədliyyə Nazirliyi | Renault Symbol | 2007 | 4500 | 450 |
| 5. | Azərbaycan Respublikasının Ədliyyə Nazirliyi | Renault Symbol | 2007 | 4500 | 450 |
| 6. | Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 7 saylı Bərdə Ərazi İdarəsi | Hyundai Sonata | 2005 | 5500 | 550 |
| 7. | Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 18 saylı Zaqatala Ərazi İdarəsi | Nissan Maxima | 2007 | 7000 | 700 |
| 8. | Azərbaycan Respublikası Baş Prokurorluğu | Volkswagen Passat | 2009 | 5800 | 580 |