Dörd şirkət birləşərək Google Play platformasının analoqunu hazırlayacaq

Date:

Paylaş:

Dörd şirkət – Xiaomi, Huawei, Oppo və Vivo “Xidmət proqramçıları qlobal alyansı”nda (GDSA – Global Developer Service Alliance) birləşməyi planlaşdırırlar. Reuters nəşriyyatı öz mənbələrinə istinadən bu xəbəri verib.

Nəşriyyat bildirir ki, onlar oyun, musiqi, film və tətbiqlər müəlliflərinə məhsulların xarici bazarlarda reklamını asanlaşdırmağa imkan verən platforma hazırlayırlar. Məsələn, proqramçılar eyni zamanda alternativ mağazalarda tətbiq yükləyə, istehsalçılar isə – onları təşviq edə bilirlər.

“Alyansın köməyi ilə şirkətlər öz üstünlüklərindən müxtəlif regionlarda istifadə edə bilərlər: Xiaomi-nin Hindistanda, Vivo və Oppo-nun Cənub-Şərqi Asiyada, Huawei-in isə Avropada güclü istifadəçi bazası var” –  Canalys analitik firmasının mobil istiqamətlər üzrə vitse-prezidenti Nicoll Pen hesab edir.

Vitse-prezidentin sözlərinə görə, GDSA Google Play-lə rəqabətə və proqramçılara tətbiqin yerləşdirilməsi və qazanc üçün daha sərfəli şərtlər təklif etməyə imkan verir.

Amma analitik belə hesab edir ki, alyansı idarə etmək problemli ola bilər: “Hansı şirkətin platformaya daha çox sərmayə qoyacağını və GDSA-nı idarə edəcəyini demək çətindir, həm də əvvəllər belə təşəbbüslər uğurlu alınmayıb” – Pen bildirir.

Qeyd edək ki, əvvəlcə GDSA-nın 2020-ci ilin martında buraxılması planlaşdırılsa da  anonsa koronavirus dalğasının təsir edə biləcəyindən ehtiyat olunub.

 

Oxşar yazılar

5 günə biznes qurmaq… – MÜSAHİBƏ

"İş Qurdu" layihəsinin növbəti qonağı "Ninja Kids Club"un təsisçisi Həvva xanım olub. https://www.youtube.com/watch?v=YxRFfsHEV-A&ab_channel=Maffinagency

“Evimi satıb işçilərin maaşını verdim” – MÜSAHİBƏ

"İş qurdu" komandası olaraq Şəki sakini "Qinyatogulları" arıçılıq təsərrüfatının sahibi Lətif Qinyətoğlunun qonağı olduq. Lətif bəy bizə arıçılıq biznesini...

Naxçıvanda yeni qeydiyyata alınmış hüquqi şəxslərin sayı 36 dəfə artıb

Bu ilin yanvar-mart aylarında Naxçıvan MR-da 1 441 yeni vergi ödəyicisi qeydiyyata alınıb. Bu barədə İqtisadiyyat Nazirliyi yanında Dövlət...

Azərbaycanda bu il mehmanxanalar 86.6 faiz istifadəsiz qalıb

2023-cü ilin yanvar-mart aylarında mehmanxana (hotel) və mehmanxana tipli obyektlərdə keçirilmiş gecələmələrin sayı 2022-ci ilin eyni dövrü ilə...