Bizplus.az xəbər verir ki, Rusiyada fəaliyyət göstərən Delivery Club şirkəti yalnız qaranlıqda görünən reklam yazıları hazırlayıb. Bu barədə şirkətin özündən açıqlama verilib.
Verilən məlumata görə, hər posterdə günün müəyyən vaxtında ( gecə və ya səhər) qida çatdırılması ilə bağlı promokod (endirim kodu) yerləşdirilib – məsələn, bir posterdə “Bugün evdəyik” yazılıbsa orada 20:00-23:00 saatları arası sifarişlərə 35% həcmində endirim promokodu da qoyulur.
Xəbər verdiyimiz kimi, bu yeni reklam kampaniyası ilə şirkət müştərilərin diqqətini kuryerlərin günün istənilən vaxtında sifarişləri çatdırdığına yönəltmək istəyir. Qeyd edək ki, layihə Redefine şirkəti ilə birgə işlənib.