Şirkətin gəlirləri 64 mlrd. dollar təşkil edib, bu keçən ilin analoji dövrü ilə müqayisədə 2% çoxdur.
2019-cu ilin 4-cü rübü üzrə Apple-ın dərc etdiyi maliyyə nəticələri şirkətin əsas gəlirlərinin daşınan elektronika mallarının satışından və tam imkanlı xidmətlərdən gəldiyini göstərib. Apple Watch və AirPods-un da daxil olduğu daşınan cihazlar gəliri 55% artırıb.
Xidmətlərdən gələn gəlir çox olmasa da 18%-i az da hesab etmək olmaz. Onlar Apple-a 12,5 milyard dollar gəlir gətiriblər. Bu hələ Apple TV+ buraxılmamışdan qabaq olan göstəricidir.
Növbəti rübdə Apple Watch Series 5-in satışı ilə əlaqədar olaraq daha çox artım gözlənilir. Artıma bu yaxınlarda təqdim olunan yeni AirPods Pro modeli də təkan verəcək.
iPad satışları da çox yaxşı nəticə göstəriblər və keçən ilin analoji dövrü ilə müqayisədə 18% artım müşahidə olunur. Onlar son 6 ayın ən yaxşısı olublar. Amma Mac-dan gələn gəlirlər keçən illə müqayisədə 4% azalıblar.
Ümumilikdə şirkət çox yaxşı nəticə göstərib. Apple-ın CEO-su bildirib ki, bu,şirkətin bütün tarixi boyu dördüncü rüb üzrə ən çox gəlir artımıdır.