Kompüter dəstləri istehsalçısı “Cool Master” termal pasta (soyuducu səth ilə istilik sovurucu cihaz arasına sürtülən maddə) şprislərinin formasını dəyişib. Ondan prosessor və digər mikrosxemlərdə sərinləşdirici kimi istifadə olunur.
Üzərində şirkətin loqotipinin və dəliyinin geniş olmasına baxmayaraq, onların termal pasta (yağ) ilə birgə satdıqları borucuqların (şprisləri) tibbi olanlarla səhv salındığı hallar yaşanıb.
Şirkətdən bildiriblər ki, onlar şprisin dizaynını termal pastanı sürtməni asanlaşdırmaq üçün deyil valideynlərin narahatlığına son qoymaq üçün dəyişiblər: “Valideynlərə onların övladlarının narkotikdən istifadə etmədiklərini izah etməkdən təngə gəlmişik”.
