Çin “Huawei Technologies” şirkətinin “Honor” smartfon brendi yeni məhsullarının anonsunu onlayn təqdimatını həyata keçirib.
Yeniliklər arasında “MagicBook 14” və 15 yeni nəsil portativ kompüterlər, 5G kommunikasiya standartını dəstəkləyən “Kirin 990” prosessoru ilə təchiz edilmiş “Honor 9X Pro”, “Honor View 30 Pro” smartfonları və “Honor MagicWatch 2” qol saatının xüsusi versiyasının prezentasiyası olub.
Prezentasiya zamanı təqdim olunan malların qiymətləri də açıqlanıb.
Daha əvvəl Ümumdünya Mobil Konqressinin (Mobile World Congress, MWC) təşkilatçısı “GSMA” Assosiasiyası dünyanın ən böyük mobil sərgilərindən birinin koronavirus səbəbiylə ləğv edildiyini bildirib. Sərgi 24-27 fevral tarixlərində keçirilməli idi. Bununla əlaqədar aralarında Sony olmaqla bir neçə şirkət prezentasiyalarını onlayn-translyasiya formatında keçiriblər.