ABŞ şairi və musiqiçisi Bob Dilanın gitarası Dallasda (Texas ştatı) 396,5 min dollara satılıb.
Oxu.Az Heritage Auctions hərrac evinin məlumatına istinadən bildirir ki, Dilan Martin markasının akustik D-28 modelindən olan gitarasını 1963-cü ildə alıb.
Əfsanəvi musiqiçi bu alətdə 10 ildən artıq çalıb. 1970-ci illərin sonlarında musiqi alətini özünün gitara ustasına satıb. Dilanın indiyə qədər saxladığı çekin üzərində gitaranın dəyərinin o zaman 500 dollar olduğu qeyd olunub.
Xatırladaq ki, 2016-cı ildə Bob Dilan ədəbiyyat üzrə Nobel mükafatına layiq görülüb.