Lakin korporativ messencer “BBM Enterprise” işini davam etdirəcək.
“Blackberry” şəxsi “BBM” messencerini 2019-cu ilin 31 mayında bağlayacaq. Bu barədə 2016-cı ildən messenceri idarə edən İndoneziyanın “Emtek” şirkəti məlumat verib.
Xidmət nümayəndələrinin açıqlamasına görə, “BBM” istifadəçiləri digər messencerə keçiblər, yeni auditoriyanı isə cəlb etmək mümkün olmayıb.
“BBM” öz fəaliyyətini dayandırdıqan sonra istifadəçilər onu öz cihazlarında aça və köhnə şəkillərə, mesajlara və digər fayllara baxa bilməyəcəklər. Şəkil, video və faylları 31 mayadək yükləmək mümkündür, lakin onlarla əlaqə yaratmaq mümkünsüzdür.
“BlackBerry”-dən bildiriblər ki, “Emtek”-in “BBM”-I bağlamaq qərarına hörmətlə yanaşırlar, lakin ünsiyyət üçün platformanın istifadəçilərindən məhrum olmaq istəmirlər.Buna görə də şirkət fərdi istifadə üçün messencerin şifrə ilə işləyən korporativ “BBM Enterprise” versiyasını yaradır. Xidmət birinci il pulsuz olacaq, sonra isə yarım illik izləməyə görə 2,49 dollar ödəniləcək.
“BBM”, Techcrunch-un sözlərinə görə, mesaj mübadiləsi istiqamətində ən köhnə xidmətlərdən biridir. “BlackBerry” onu 2015-ci ildə istifadəyə verib, 2016-cı ildə isə messencerlərin inkişafı üzrə şirkətin tərəfdaşı “Emtek Group” olub. Nəşrin verdiyi açıqlamada deyilir ki, “Emtek”-lə xidmət dəyişdi: bəzi istifadəçilər belə müşahidə ediblər ki, orada çoxlu oyunlar və reklamlar əmələ gəlib.