Biznesi inkişaf etdirmək üçün vacib olan 5 kitab

Date:

Paylaş:

Müasir biznes dünyasında irəliləmək üçün bir sıra açar nöqtələri bilməniz lazımdır. Hansı ki, bunları bilmək sizin bu yolda inkişafınızı sürətləndirəcək, hədəfinizə çatmağınızı tezləşdirəcək.

1. Müharibə sənəti – Eramızdan əvvəl yaşamış Çin generalı Sun Tzı tərəfindən yazılan Müharibə sənəti, qədim Çinin hərb yanaşmasından bəhs edir. Bu kitab tarixin ən effektiv və ən hörmətli strategiya kitabı sayılır. 13 fəsildən ibarətdir və hər fəsildə müharibənin effektiv aparılması üçün vacib taktiki məlumat verir. (kəşfiyyat, sürətli qərar vermə, itkilərdən qaçmaq). Kitab hərb sənətindən bəhs etsə də dünya siyasətçiləri və bizmesmenləri tərfindən oxunur və tətbiq edilir.

Sahəsinin liderlərindən olan Sirtex Medical CEO-su Gilman Wong bu kitabın dünyanın ən güclü kitablarından biri olduğunu və CEO olmaq istəyən hər kəsin mütləq oxumalı olduğunu vurğulayır.

2. Mavi okean startegiyası – dünyanın 40 dilinə tərcümə edilmiş ən məşhur strategiya kitablarındandır. Bu strategiyanın çox sadə ideyası var: Rəqiblərə qalib gəlməyin ən yaxşı yolu onlarla mübarizə aparmamaqdır. “Strategiya”nın müəllifləri kənara çəkilib yenilik etməyin yeganə yol olmasına əmindirlər. Əgər hər kəs eyni formada, eyni məhsul və təkliflərlə bir-biri ilə rəqbət aparırsa ora artıq qırmızı dənizdir, orada qanlı mübarizə gedir və bu şirkətlər çox kiçik qazanclarla bir-biri ilə rəqabəti davam etdirməyə məcbur qalırlar. Mavi ocean isə bazarın hələ toxunulmamış, qazanc imkanları yüksək olan  hissəsidir. Mavi okean yaradıcı yanaşma tərzi tələb edir. Burada rəqabət qorxusu yoxdur, çünki oyunun qaydaları hələ yenicə təyin olunmaqdadır.

3. Effektiv rəhbər – Əksər menecment kitabları başqalarını necə idarə etməkdən bəhs edir. Bu kitabın mövzusu isə özünüidarədir. Piter Drukerin fikrincə effektiv işləyə bilmək üçün bilikli olmaq, çox işləmək, yada savadlı olmaq kifayət deyil. Effektiv lider olmaq üçün müəyyən və olduqca sadə bir sıra şeyləri  etmək lazımdır. Bunlara Piter Druker tərəfindən yaradılan kiçik qaydalar sistemi də daxildir. Müəllif effektiv fəaliyətin nəinki mümkün olduğunu, hətta öyrənilməsinin vacib olduğunu vurğulayır. Əgər haqqında tez-tez eşitdiyinin o mükəmməl rəhbər qədər yaxşı ola bilməyəcəyiniz düşünürsünüzsə bu kitabı diqqətlə oxumalı və tətbiq etməlisiniz.

4. Biznes dünyasının macəraları – kitab XX əsrin mühüm iqtisadi, işgüzar epizodları və maliyyə siyasəti haqqında bütöv təsəvvür yaradır. Burada Amerika biznesinin tarixində baş verən və nəticələri bu gün də açıq-aşkar hiss olunan əsas hadisələr öz əksini tapır. Kitab düşünülmüş korrupsiyalar və maliyyə dünyasının dəyişkən xarakterindən bəhs edən 12 klassik bölmədən ibarətdir. Bu bölmələrin hər birində nümunəvi bir şirkətin necə uğur əldə etməsi və yaxud iqtisadi böhran zamanı özünü necə aparması təsvir olunur.

Kitab öz biznesinin idarəetməsini gücləndirmək istəyən biznesmenlər, eyni zamanda yeni biznes qurmağa hazırlaşanlar üçün faydalı məlumatlar ilə zəngindir. Bu kitab oxuculara konkret məlumatlarla və real şəxslərin, şirkətlərin nümunəsində necə uğur qazanmağı və problemləri həll etməyi öyrədir.

5. Bənövşəyi inək – Marketinq qurusu və bestsellerlər müəllifi Set Qodinin təqdim etdiyi bu kitab çox sadə bir mesaj verir. Qeyri-adi ol. “Bənövşəyi İnək” iddia edir ki, əmtəələrin və reklamın bugünkü hiper-qarmaqarışıqlığı şəraitində vəziyyətdən qurtulmağın yeganə yolu yeni bir şey, innovasiya, unikallıq və müstəsnalıqdır, – bənövşəyi inək kimi bir fenomen.

Set Qodinin bu çağırışı biznes yazıçıları, marketinq mütəxəssisləri, reklamçılar, sahibkarlar, istehsal mene­cerləri – bir sözlə, dünyaya deməyə sözü olan hər kəs üçün heç vaxt bu qədər yerində və uyğun olmayıb. Set Qodin innovasiya vasitəsilə brendinizin “xariqüladələşməsi” üçün praktiki ipucu verir və bunu tamamilə konkret, real və məşhur şirkətlərin misallarında göstərir.

 

 

Oxşar yazılar

5 günə biznes qurmaq… – MÜSAHİBƏ

"İş Qurdu" layihəsinin növbəti qonağı "Ninja Kids Club"un təsisçisi Həvva xanım olub. https://www.youtube.com/watch?v=YxRFfsHEV-A&ab_channel=Maffinagency

“Evimi satıb işçilərin maaşını verdim” – MÜSAHİBƏ

"İş qurdu" komandası olaraq Şəki sakini "Qinyatogulları" arıçılıq təsərrüfatının sahibi Lətif Qinyətoğlunun qonağı olduq. Lətif bəy bizə arıçılıq biznesini...

Naxçıvanda yeni qeydiyyata alınmış hüquqi şəxslərin sayı 36 dəfə artıb

Bu ilin yanvar-mart aylarında Naxçıvan MR-da 1 441 yeni vergi ödəyicisi qeydiyyata alınıb. Bu barədə İqtisadiyyat Nazirliyi yanında Dövlət...

Azərbaycanda bu il mehmanxanalar 86.6 faiz istifadəsiz qalıb

2023-cü ilin yanvar-mart aylarında mehmanxana (hotel) və mehmanxana tipli obyektlərdə keçirilmiş gecələmələrin sayı 2022-ci ilin eyni dövrü ilə...