Əsas səhifə Xəbərlər Yerli biznes xəbərləri Bakıya girişə qoyulan məhdudiyyətə görə şirkət iflas etdi

Bakıya girişə qoyulan məhdudiyyətə görə şirkət iflas etdi

104
Paylaş

“Transavto EKS” ASC-nin 2019-cu il sentyabrın 24-də keçirilən növbədənkənar ümumi yığıncağında ağır tonnajlı yük avtomobillərinin Bakı şəhərinə giriş və çıxışına qoyulan məhdudiyyətlərlə əlaqədar əsas fəaliyyət növü olan ağır tonnajlı yük avtomobillərinə qaraj xidməti göstərilməsinin qeyri-mümkün olması səbəbindən “Transavto EKS”  ASC-nin ləğvi haqqında qərar qəbul edilmişdir.

Bu, ASC-nin elanında deyilir.

“Transavto EKS”in qarajlarında yük avtomobillərinin təmiri həyata keçirilirdi. Bakıya girişə qoyulan məhdudiyyətə görə yük avtomobillərinin gündüz saatlarında bu servisə gətiriləməsi mümkün olmurdu. Bu səbəbdən şirkətin müştəriləri kəskin azalmış və  fəaliyyətində maliyyə problemləri yaranmışdı.

2006-cı ildə qeydiyyata alınmış “Transavto EKS” ASC-nin reyestr məlumatlarına 2019-cu ilin İyul ayında dəyişiklik edilib. 468 min 406 manat nizamnamə kapitalına malik olan ASC-nin qanuni təmsilçisi Xankişi Nuriyevdir.

“Transavto EKS” ASC-nin səhmləri 2017-ci ildən Bakı Fond Birjasında listinqdədir.

“Transavto EKS” ASC  Binəqədi rayonu, Dərnəgül qəsəbəsi 3105-ci məhəllədə yerləşir.