Əsas səhifə Xəbərlər Ümumi iqtisadi xəbərlər Bakıda ilk dəfə “World e-commerce Eurasıa 2019” beynəlxalq forumu keçiriləcək

Bakıda ilk dəfə “World e-commerce Eurasıa 2019” beynəlxalq forumu keçiriləcək

124
Paylaş

Azərbaycanda və regionda e-ticarət infrastrukturunun inkişaf etdirilməsi, bu mövzuda əlaqələrin genişləndirilməsi məqsədilə noyabrın 26-27-də Bakıda ilk dəfə “World e-commerce Eurasıa 2019” beynəlxalq forumu keçiriləcək.

“World e-commerce Forum”, “INNOLAND” İnkubasiya və Akselerasiya Mərkəzi və “My Broker” gömrük təmsilçiliyinin birgə təşkil edəcəyi beynəlxalq praktik forumda elektron ticarət, əsasən də elektron ixrac mövzusunda yerli istehsalçılara və biznes subyektlərinə dünyada son tətbiqlər, müasir trendlər və praktik həllər ilə bağlı region üzrə öndə gedən şirkət rəhbərləri, peşəkar mütəxəssislər və dövlət qurumlarının nümayəndələri tərəfindən məlumatlar veriləcək.

Forumda Azərbaycan, Türkiyə, Rusiya və digər ölkələrdən onlayn mağazalar, e-ticarət ekosistemindəki bir çox xidmət göstərən şirkətlərin nümayəndələri iştirak edəcək.

İki gün davam edəcək forum çərçivəsində təqdimatlar, dövlət və özəl sektorun mütəxəssisləri, həmçinin beynəlxalq və yerli təşkilatların səlahiyyətlilərinin iştirakı və professor İbrahim Kırcovanın təqdimatı ilə “Azerbaijan e-commerce workshop” mövzusunda araşdırma təlimi keçiriləcək.