Xəzər Rayon Məhkəməsində “Oval ST” MMC-nin 46062.3 ABŞ dolları (230310,15 ABŞ dollarının iyirmi faizi miqdarında) cərimə edilməsi barədə qərar çıxarılıb.
Maliyyə Bazarlarına Nəzarət Palatası şirkəti İnzibati Xətalar Məcəlləsinin (İXM) 430.4-cü maddəsinə əsasən yazdığı protokola əsasən cərimələyib.
Qeyd edək ki, İXM-in 430.4-cü maddəsi avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə məsuliyyəti nəzərə tutur.
Bu inzibati xətaya görə, hüquqi şəxslər inzibati xətanın obyekti olmuş valyuta vəsaiti məbləğinin iyirmi faizindən otuz faizinədək məbləğdə cərimə edilir.
Xəzər Rayon Məhkəməsinin qərarından şirkətin rəhbəri Məmmədzadə Asiman Aslan oğlu tərəfindən verilən apellyasiya şikayətinə Bakı Apellyasiya Məhkəməsində baxılır.
Şirkətin fəaliyyət istiqaməti ilə bağlı hər hansı məlumat yoxdur.