Azərbaycan Respublikasının Əmək Məcəlləsinin 241-ci maddəsində dəyişiklik edilməsi nəzərdə tutulub.
Bu, Nazirlər Kabineti, Azərbaycan Həmkarlar İttifaqları Konfederasiyası və Azərbaycan Respublikası Sahibkarlar (İşəgötürənlər) Təşkilatlarının Milli Konfederasiyası arasında 2020-2022-ci illər üçün Baş Kollektiv Sazişində tərəflərin götürdüyü öhdəlikdə qeyd olunub.
Belə ki, sazişə əsasən, tərəflər qadın əməyinin tətbiqi qadağan edilən iş yerlərinin siyahısına yenidən baxılması, bu iş yerlərinin azaldılması və Azərbaycan Respublikasının Əmək Məcəlləsinin 241-ci maddəsində dəyişiklik edilməsi istiqamətində müvafiq işlər aparmaq öhdəliyi götürüb.
Qeyd edək ki, Əmək Məcəlləsinin 241-ci maddəsində qadın əməyinin tətbiqi qadağan olunan iş yerləri və işlərin siyahısı öz əksini tapıb.