Əvvəlki ilin yanvar-avqust ayları ilə müqayisədə içki istehsalında 44,9 faiz, tütün məmulatlarının istehsalında 32,2 faiz, qida məhsullarının istehsalında isə 15,7 faiz artım müşahidə olunub. Bu barədə Dövlət Statistika Komitəsinin aylıq hesabatında bildirilir.
Hesabatda qeyd edilib ki, bu sahələrin əsas məhsullarından qənd və şəkər tozu istehsalı 77,8 faiz, kolbasa məmulatları 46,5 faiz, qaymaq və xama istehsalı 21,7 faiz, cem və marmeladların istehsalı 12,5 faiz, üzlü süd istehsalı 2,8 faiz, alkoqolsuz içkilərin istehsalı 15,5 faiz artıb.
İçki məhsullarından araq istehsalı 4,1, likörların istehsalı 2,7 dəfə artıb. 
