Azərbaycan xaricə ötən il 140 kq həcmində qızıl qiymətində olan nərə balığı kürüsü və ya “qara ikra” (caviar osetra) ixrac edib.
Ölkədən xaricə ixrac olunan bu məhsul üzrə ölkəyə cəmi $148,910 dollar dəyərində vəsait daxil olub.
Satılan hər kiloqramı Azərbaycana ortalama $1,063 (ixrac müddətindəki məzənnə ilə 1,807 manat) başa gəlib. AzStatKom-un rəqəmlərinə görə, 2018-ci ildə ölkədə bu kodda 40 kq həcmində cəmi məhsul ixrac olunsa da, əvəzində $63 600 valyuta ölkəyə daxil olmuşdu. Bu isə öncəki ildə hər kq üzrə $1,590 ortalama dəyər təşkil edib.
Göründüyü kimi, kəmiyyət artıqlığından sonra dəyəri təqribən 50% ortalama kiloqram üzrə ucuzlaşmışdır.
İdxalda isə nərə balığı kürüsünün həcmi daha çox təşkil edib və eləcə də kq üzrə dəyəri daha az, yəni, 10% ucuzlaşıb. Belə ki, 2019-cu il ərzində Azərbaycana 3,640 kq həcmində bu məhsulun gətirilməsi baş tutub, bu da, $1,116,110 idxal dəyəri deməkdir. İdxalın hər kq üzrə ortalama dəyəri $307 olub, lakin, öncəki il üzrə hər kq üzrə dəyəri $341 idi.
Öncəki il 1,810 kq həcmində idxal olunan bu kodda məhsulun idxal dəyəri $617,520 idi.
Kürümüzü kimlər alıb?
Bildirmək istərdik ki, bu növ məhsul istehsalı Xəzərin sahilində olan İran, Azərbaycan, Türkəminstan və Rusiyada istehsal olunmaqdadır. Bir çox ölkələrin istehlak bazarında qiyməti 3,000 – 10, 000 $/kq dəyərində qiymətlə ticarət olunur.