2020-ci il 30 yanvar – 8 fevral tarixlərində Qətər Respublikasının Doha şəhərində Beynəlxalq bal sərgisi keçirilib. Sərgidə Azərbaycanda “Ballı” markasının sahibi “Apiaz” MMC də iştirak edib.
Şirkətin məlumatında bildirilir ki, sərginin sonuncu günündə 150-dən çox şirkətin 300-dən çox bal nümunəsi arasında keçirilmiş “Məhsulların keyfiyyət qiymətləndirilməsi” yarışında “Apiaz” şirkətinin təqdim etdiyi bal məhsulu xarici şirkətlər arasında məhsullarının keyfiyyətinə görə 2-ci yeri tutub.
Məlumata görə, bütün laborotoriya analizləri, keyfiyyət yoxlamaları məxfi şəkildə aparılıb.
“Bu bir daha sübut edir ki, zəngin təbiətə malik Azərbaycan balı Dünya bazarında da layiqli yerini əldə edəcək. “Apiaz” MMC bundan sonra da Azərbaycan məhsullarını beynəlxalq bazarda təmsil etməyə davam edəcək”,- şirkətin məlumatında deyilir.