Beynəlxalq yük daşınmaları ilə məşğul olan “Murphy Shipping and Commersial Servis Azərbaycan” şirkəti gələcək layihələr çərçivəsində Gürcüstanda logistika ilə bağlı bir neçə layihəyə investisiya yatırır.
Həmin layihələr başa çatdıqdan sonra Azərbaycan – Gürcüstan və Rusiya arasında beynəlxalq tranzit yükdaşımalarının logistika qovşağı kimi xidmət göstərəcək. Bu barədə şirkətin baş direktoru Sabir Əliyev bildirib.
Vaxtilə Böyük Britaniya təsisçiləri və sərmayəçilərinin dəstəyi ilə təsis edilmiş, hazırda isə 80 nəfərdən artıq azərbaycanlı işçiləri olan “Murphy Shipping and Commersial Servis Azərbaycan” şirkəti Xəzəryanı regionda və xüsusilə də Zaqafqaziyada avtomobil, hava, su, dəmir yolları ilə beynəlxalq yük daşınmaları həyata keçirir, eyni zamanda gömrük brokeri, saxlanc (anbar) xidmətləri ilə məşğul olur.
Şirkətin Qaradağ rayonunda açıq sahəsi 8 min kvadratmetr, qapalı anbar sahəsi isə 2 min kvadratmetrdən ibarət olan anbar kompleksi var.