Əsas səhifə Xəbərlər Xarici xəbərlər Azərbaycanlılar türkiyəli müdirin “əməkhaqqı” tələsinə düşüblər

Azərbaycanlılar türkiyəli müdirin “əməkhaqqı” tələsinə düşüblər

109
Paylaş

Türkiyədə əməkhaqlarını almaq istəyən azərbaycanlıların başına iş gəlib.

Bizlpus.az “Sabah”ın xəbərinə istinadən məlumat verir ki, Tükiyəyə tikintidə işləməyə gedən azərbaycanlı fəhlələr maaşlarını ala bilmədiklərindən İstanbulda Salim Ö. adlı müdirlərinin evinə gəliblər.

Arvadından fəhlələrin evinə gəldiyi xəbərini alan müdir isə azərbaycanlılara tələ qurmaq qərarına gəlib.

O, Əsənlər avtovağzalında Azərbaycana gedən avtobusların qeydiyyat şöbəsinə özünü cinayət şöbəsinin polisi kimi təqdim edərək, fəhlələrin şəkillərini yaymağa başlayıb.

Rasim H., Yaməddin A. və başqalarının fotolarını verərək, adlarının cinayətdə hallandığını, ora gələrlərsə, dərhal ona xəbər vermələrini istəyib.

Bir müddət sonra qeydiyyat katibi şəkildə olan iki nəfərin avtovağzala gəldiyini görüb, amma yalançı polisə deyil, əsl polisə zəng edib.

Bu zaman hadisənin üstü açılıb. Özünü polis kimi tanıdan Salim Ö. saxlanılıb.

O, polisə verdiyi ifadəsində evinə gəlib onu təhdid edən fəhlələrin Türkiyədən çıxa bilməməsi üçün belə etdiyini deyib.

Qeyd edək ki, Salim Ö. barəsində cinayət işi başlanılıb. Üç ilə qədər həbs olunması istənilən şəxs yaxın günlərdə hakim qarşısına çıxarılacaq.