Əsas səhifə Biznes Azərbaycandan daha 24 sahibkar və menecer Almaniyada ixtisasartırma kursu keçəcək

Azərbaycandan daha 24 sahibkar və menecer Almaniyada ixtisasartırma kursu keçəcək

228

İqtisadiyyat Nazirliyi ilə Almaniyanın Federal İqtisadiyyat və Enerji Nazirliyi arasında Anlaşma Memorandumuna müvafiq olaraq, “Azərbaycanın biznes ictimaiyyətində menecerlərin ixtisasının artırılması üzrə Almaniya-Azərbaycan birgə Proqramı” çərçivəsində işlər 2018-ci ildə də davam etdirilir.

“Report” xəbər verir ki, bu barədə Nazirliyin açıqlamasında bildirilir.

Məlumatda həmçinin deyilir ki, proqram çərçivəsində iqtisadiyyatın müxtəlif sahələrində fəaliyyət göstərən sahibkar və menecerlər Almaniyanın tədris mərkəzlərində iqtisadi kooperasiya üzrə ödənişsiz ixtisasartırma kursu keçir, beynəlxalq təcrübəyə yiyələnir, işgüzar əlaqələr qururlar.

24 sahibkar və menecerdən ibarət növbəti qrup mayın 4-nə qədər Almaniyanın Ştutqart şəhərində yerləşən “Baden Vürttemberq İxrac Akademiyası” Tədris Mərkəzində təlim və istehsal müəssisələrində təcrübə keçəcək.

İndiyədək 355 sahibkar və menecer “Azərbaycanın biznes ictimaiyyətində menecerlərin ixtisasının artırılması üzrə Almaniya-Azərbaycan birgə Proqramı” çərçivəsində Almaniyada ixtisasartırma kursu keçib.