Bu il yanvarın 1-nə olan vəziyyətə görə, “Naxçıvan Sığorta” ASC istisna olmaqla Azərbaycanda fəaliyyət göstərən 20 sığorta şirkətindən 3-nün balans kapitalı nizamnamə kapitalından azdır.
Bu, araşdırma nəticəsində məlum olub.
Həmin şirkətlər “Standard Insurance” Sığorta Şirkəti, “Atasığorta” və “AXA MBask” Sığorta Şirkəti ASC-lərdir. Başqa sözlə, həmin şirkətlər fəaliyyətdə olduqları müddətdə nizamnamə fondlarına qoyulmuş kapitaldan “yeyiblər”. Qalan 17 şirkət isə kapitalını artırmağı bacarıb.
Sığorta şirkətlərinin kapitalındakı azalma və artım müxtəlif məbləğlərdə olub.
№ | Sığorta şirkətinin adı | Şirkətin balans kapitalı ilənizamnamə kapitalının fərqi(milyon manatla) |
1 | PAŞA Sığorta | 24,997 |
2 | PAŞA Həyat Sığorta | 21,354 |
3 | Azsığorta | 14,101 |
4 | Atəşgah Həyat Sığorta | 12,360 |
5 | Meqa Sığorta | 9,343 |
6 | Qala Həyat Sığorta | 7,826 |
7 | İpək Yolu Sığorta | 7,477 |
8 | Atəşgah Sığorta | 6,943 |
9 | Azərsığorta | 6,061 |
10 | A-Qrup Sığorta | 3,106 |
11 | Rəvan Sığorta | 3,792 |
12 | Xalq Sığorta | 2,283 |
13 | Azərbaycan Sənaye Sığorta | 0,522 |
14 | Amrah Sığorta | 0,452 |
15 | Qala Sığorta | 0,355 |
16 | Baku Sığorta | 0,353 |
17 | Günay Sığorta | 0,190 |
18 | AXA Mbask | -1,036 |
19 | Atasığorta | -5,493 |
20 | Standard Insurance | -5,753 |
21 | Naxçıvan Sığorta | Açıqlamayıb |
Cəmi | 109,232 |
