Əsas səhifə Xəbərlər Ümumi iqtisadi xəbərlər “Azərbaycan tibbi zəli ixracını artıracaq”

“Azərbaycan tibbi zəli ixracını artıracaq”

41
Paylaş

“Bir pəncərə” İxraca Dəstək Mərkəzi 2018-ci ildə 150 milyon ABŞ dolları civarında ixrac həyata keçiribsə, ötən il bu rəqəm 140,4 milyon dollar təşkil edib.

Bunu İqtisadi İslahatların Təhlili və Kommunikasiya Mərkəzinin departament rəhbəri Nicat Hacızadə deyib.

Onun sözlərinə görə, İxraca Dəstək Mərkəzi vasitəsilə edilən ixrac əməliyyatları ölkə üzrə ümumi ixracın təxminən 10%-ni təşkil edir.

“Mərkəzə müraciət edən sahibkarlıq subyektləri arasında həm dövlət həm qeyri-dövlət şirkətləri var. Bundan əlavə, 2020-ci ilin yanvar ayı ərzində 12,5 milyon dollar civarında ixrac həyata keçirilib. Bizə müraciət edən şirkətlərin tərkibində dövlət və qeyri-dövlət şirkətləri var ki, biz onların ixracı fəaliyyətləri üçün sənədləşmə həyata keçiririk. İxrac edilən məhsullar arasında polad, armatur yayması, polad boru, qiymətli külçələr, tikinti materialları, meyvə şirələri, niyam kökü, pambıq tullantısı və qənnadı məmulatlarıdır. Bundan başqa, qeyri-ənənəvi məhsullar da ixrac edilir ki, onların sırasında tibbi zəlilərin də ixracını qeyd etmək olar”, – deyə N. Hacızadə qeyd edib.

O həmçinin əlavə edib ki, tibbi zəli ilə bağlı ixracın artacağı gözlənilir. Hazırda sırf bu fəaliyyətini genişləndirən bir neçə regionlar var.