Əsas səhifə Xəbərlər Yerli biznes xəbərləri Azərbaycan mobil rabitə operatoru bu ay rebrendiq edəcək

Azərbaycan mobil rabitə operatoru bu ay rebrendiq edəcək

143
Paylaş
Azercell Telekom
Azercell Telekom

Azərbaycan mobil rabitə operatoru “Azercell Telekom” iyun ayının sonunadək rebrendiq edəcək. Bunu şirkətin prezidenti Vahid Mürsəliyev deyib.

Onun sözlərinə görə, hazırda şirkətin yeni loqosunun hazırlanması istiqamətində işlər aparılır.

Qeyd edək ki, ötən il “Azercell” idarə edilməsini təmin edən səhmlərin nəzarət zərfini Nəqliyyat, Rabitə və Yüksək Texnologiyalar Nazirliyinin nəzdində fəaliyyət göstərən “AzInTelecom” MMC əldə edib.

Dövlətə məxsus olan “AzInTelecom” və Niderland qanunvericiliyinə əsasən yaradılan “Fintur Holdings B.V.” şirkəti arasında Türkiyədə təsis olunan “Azertel Telekomünikasyon Yatırım Dış Ticaret A.Ş.” (“Azertel”) şirkətinin 51,3% səhmlərinin alınması barədə müqavilə ötən ilin 1-ci rübündə imzalanıb. “Azertel” Azərbaycan mobil operatoru olan “Azercell”in yeganə təsisçisidir.