Əsas səhifə Xəbərlər Ümumi iqtisadi xəbərlər Azərbaycan mallarının baha olması rəqabətə mənfi təsir göstərir

Azərbaycan mallarının baha olması rəqabətə mənfi təsir göstərir

47

Azərbaycanda məhsulların maya dəyərinin yüksək olması rəqabət qabiliyyətinə mənfi təsir göstərir.

Bizplus.az xəbər verir ki, Azərbaycan Sahibkarlar Konfederasiyasından (ASK) verilən məlumata görə, bu fikir ASK üzvləri ilə Beynəlxalq Maliyyə Korporasiyası (IFC) arasında keçirilən görüş zamanı sahibkarlar tərəfindən səsləndirilib. Sahibkarlar logistika qiymətlərinin də maya dəyərində xüsusi rol oynadığını bildiriblər.

Azərbaycanda investisiya qoymaq üçün bir neçə sahədəki perspektivləri IFC ilə bölüşən iş adamları, xarici investorları maraqlandıracaq arqumentlərlə çıxış ediblər.

Qeyd edək ki, ASK üzvləri ilə IFC arasında keçirilən görüş “Özəl sektorun inkişafı üçün mövcud olan imkanlar və məhdudiyyətlər”ə həsr olunub.

Görüşün əsas məqsədi ölkədə qeyri-neft sektoru üzrə özəl sektorun prioritet sahələrinin müəyyən edilməsi və bu sahələr üzrə investisiya qoyulması üçün sahibkarlarla fikir mübadiləsi aparmaq olub.

IFC təmsilçisi Niharika Saçdeva son zamanlar Azərbaycanda aparılan islahatları müsbət qiymətləndirib və sahibkarları qarşılaşdıqları problemlərin həlli istiqamətində görüləcək işlərlə bağlı fikir mübadiləsi aparmağa dəvət edib.

Müzakirələr zamanı Azərbaycanda son dövrdə qanunvericilik sistemində aparılan islahatlar nəticəsində sahibkarların qarşılaşdıqları problemlər və onların həlli yolları da müzakirə olunub.

Tərəflər, həmçinin, müvafiq islahatlar çərçivəsində rəqabət imkanları, maliyyə resursları mənbələrinə çıxışda yaranan çətinliklər, ucuz və qısamüddətli maliyyə mənbələrinin azlığı, xarici investorların daxili bazara inamsızlığı kimi önəmli məsələlərlə bağlı fikirlərini bölüşüblər.