“Air France LKM” şirkətinin qiymətli kağızları 4,27%, “EasyJet”-in qiymətli kağızları 4,37%, “Ryanair”-ın kotirovkaları isə 4,62% ucuzlaşıb.
Dünənki hərracların nəticələrinə görə “Deutsche Lufthansa AG” şirkətinin səhmləri 11,6% ucuzlaşaraq, Stoxx Europe 600 indeksinin komponentləri arasında ən böyük azalma göstərib.
Agentliyin verdiyi məlumata görə, “Lufthansa” 2019-cu il proqnozunu azaldıb, bunun əsas səbəbi kimi Avropada aviaşirkətlər arasında gedən sərt rəqabət göstərilir.
“Lufthansa” nın yeni proqnozuna əsasən, EBIT marjası 5,5% ilə 6,5% diapazonunda olacaq. Daha əvvəl bu rəqəm 6,5-8.0% səviyyəsində proqnozlaşdırılmışdır. Proqnoz eyni zamanda yanacaq xərclərinin 559 milyon avroya qədər artmasını nəzərdə tutur.