“Apple” bildirib ki, şirkətin 2020-ci ilin ikinci rübündə əldə edəcəyi gəlirlə bağlı yanvarda verdiyi proqnoz Covid-19 epidemiyasına görə özünü doğrultmur. Şirkət artıq yeni proqnozlar verməyib.
Bu ilin yanvarında “Apple” ikinci rüb üçün 9-15% gəlir artımı proqnoz vermişdi – 63 mlrd. dollardan 67 mlrd. dollara kimi.
Qeyd edək ki, maliyyə ilinin ikinci rübü 2020-ci ilin martında bitəcək.
Dünya üzrə iPhone təchizatı müvəqqəti olaraq məhdudlaşdırılacaq və bu da şirkətin mənfəətinə təsir göstərəcək.