Bu texnologiya hərəkətli Apple stikerləri Animoji-nin yaranması üçün tətbiq edilə bilər.
Variety yazır ki, Apple qarışıq reallıq qarniturlarına patentlik istəyini bildirib. Onlarda gözün hərəkətini, üzün ifadəsini və jestləri izləyən datçiklər quraşdırılacaq. Şirkət hələ 2019-cu ilin martında bu istəyini bildirmişdi.
Nəşrdə bildirilir ki, belə bir texnologiya Apple-a imkan verir ki, istifadəçilərin üz ifadələrini qarışıq reallıqda daha real şəkildə əks etdirsin. Məsələn, oxşar texnologiya artıq Animoji-də reallaşıb. Animoji istifadəçilərin mimikalarını izləmək üçün iPhone kamerasından istifadə edir və sonra bu hərəkətləri canlandırır.
Apple-ın patentlik əldə edəcəyi təqdirdə bu texnologiyadan istifadə edib-etməyəcəyi məlum deyil.