“Apple” dəyəri 900 milyard dolları ötən ilk şirkət olub. 

Date:

Paylaş:

“Apple” şirkəti dördüncü maliyyə rübü üçün hesabat dərc edib.

Bizplus.Az ICTnews-a istinadən xəbər verir ki, əksər analitiklərin “iPhone X” modelinin buraxılışından sonra satış və mədaxilin azalmasını düşünməsinə baxmayaraq, kapitallaşmanın bahalaşması nəticəsində “Apple” dəyəri 900 milyard dolları ötən ilk şirkət olub.

Məlumata görə, “AAPL” səhmlərində 3,2 faiz artım qeydə alınıb. Ötən həftənin cümə günü rüblük nəticələr dərc edildikdən sonra “Apple” qiymətli kağızları rekord məbləğdə -173,49 dollaradək bahalaşıb.

Bundan başqa, telefon konfransı zamanı şirkət rəhbəri Tim Kuk növbəti ildə satış həcmini 84-87 milyard dollar səviyyəsində proqnozlaşdırıb. Maliyyə analitikləri isə 85 milyard dollarlıq nəticə gözləyirlər. Bu isə ondan xəbər verir ki, şirkət və sərmayədarlar “iPhone X” modelini perspektivli məhsul hesab edirlər.

Hesab olunur ki, yüksək nəticələr təkcə “Apple” şirkətinə müsbət təsir göstərməyəcək. “The Street” nəşrinin jurnalistlərinin fikrincə, “iPhone” istehsalçısının nailiyyətləri “Dow Jones” sənaye indeksinə müsbət təsir edəcək.

Son hadisələr fonunda 2018-ci ildə şirkətin bazar kapitallaşmasının 1 trilyon dollaradək artacağı ehtimal olunur.

2017-ci ilin mayında ABŞ istehsalçısının bazar dəyəri 800 milyard dollar, fevralda isə 700 milyard dollar təşkil edib.

Oxşar yazılar

5 günə biznes qurmaq… – MÜSAHİBƏ

"İş Qurdu" layihəsinin növbəti qonağı "Ninja Kids Club"un təsisçisi Həvva xanım olub. https://www.youtube.com/watch?v=YxRFfsHEV-A&ab_channel=Maffinagency

“Evimi satıb işçilərin maaşını verdim” – MÜSAHİBƏ

"İş qurdu" komandası olaraq Şəki sakini "Qinyatogulları" arıçılıq təsərrüfatının sahibi Lətif Qinyətoğlunun qonağı olduq. Lətif bəy bizə arıçılıq biznesini...

Naxçıvanda yeni qeydiyyata alınmış hüquqi şəxslərin sayı 36 dəfə artıb

Bu ilin yanvar-mart aylarında Naxçıvan MR-da 1 441 yeni vergi ödəyicisi qeydiyyata alınıb. Bu barədə İqtisadiyyat Nazirliyi yanında Dövlət...

Azərbaycanda bu il mehmanxanalar 86.6 faiz istifadəsiz qalıb

2023-cü ilin yanvar-mart aylarında mehmanxana (hotel) və mehmanxana tipli obyektlərdə keçirilmiş gecələmələrin sayı 2022-ci ilin eyni dövrü ilə...