Paytaxtın ən böyük özəl daşıyıcı şirkəti sayılan “Xaliq Faiqoğlu” şirkəti Türkiyədən 25 ədəd 12 metrlik “İsuzu Citiport” markalı avtobuslar alıb. Nəqliyyat vasitələri qardaş ölkənin “Anadolu İsuzu” şirkətinə məxsusdur.
“Bizplus.az” xəbər verir ki, avtobuslar “Paşa Bank” ASC arasında imzalanmış irihəcmli kreditin hesabına alınıb.
Bu gün avtobusların təqdimat mərasimi keçirilib.
Qeyd edək ki, “Xaliq Faiqoğlu” şirkətinin mülkiyyətində 300-dən çox avtobus var. Beləcə, son icra edilmiş layihələrlə avtobus parkının əhəmiyyətli hissəsi yenilənib. Şirkət avtobus parkının yenilənməsi ilə bağlı layihələrin həyata keçirilməsi məqsədilə beynəlxalq maliyyə təşkilatları ilə də əməkdaşlıq edir.