İtaliyalı əsilli Amerika milyarderi Rokko Kommisso “Fiorentina” futbol klubunu alıb.
Kommisso Florensiya təmsilçisinə 2002-ci ildən rəhbərlik edən Andrea Della Valleni əvəzləyib.
O, “Mediacom” şirkətinə rəhbərlik edir. “Forbes” Kommissonun 4,8 milyard dollar əmlaka sahib olduğunu bildirir. Bu sahibkara idman aktivlərindən MLS-də çıxış edən “Nyu-York Kosmos”un səhmlərə nəzarət paketi məxsusdur.
Qeyd edək ki, “Fiorentina” ötən mövsüm İtaliya A Seriyasını 20 komanda arasında 16-cı pillədə başa vurub.