Əgər əməkdaş öz işləri ilə əlaqədar vəzifəsini tərk etmiş olarsa da, şirkət ona üç əmək haqqı dəyərində ödəniş etməyə söz verir.
Partner Service Delivery proqramı çərçivəsində şirkət , öz işini bağlamaların çatdırılması sahəsində qurmaq istəyən ABŞ-dakı əməkdaşlarına 10 min dollar, həmçinin üç əmək haqqı məbləğində pul təklif edib.
Partner Service Delivery proqramı 2018-ci ildən fəaliyyət göstərir, o, gələcək iş adamlarına “Amazon” loqotipli maşınları kirayə götürməyə və startapa başlamaq üçün lazım olan yanacaq, uniforma və digər əşyalara endirim əldə etməyə kömək edir. Şirkətdən açıqlama veriblər ki, fəaliyyətə başladığı andan “Amazon” 200 kiçik müəssisənin açılmasında yardımçı olub.
Partner Service Delivery-nin saytında deyilir ki, proqramın tərəfdaşları başlanğıc xərcləri “Amazon”un dəstəyi sayəsində azalda və biznesi 10 min dollarla başlaya bilərlər. Şirkətdə vurğulayıblar ki, potensial iştirakçılar çoxdur və yerlər də məhduddur. “Amazon” potensial iş adamlarının məlumatlarını öyrənir: təhsil , iş təcrübəsi və maliyyə vəziyyəti.